نعم كتير ادهالنا ربنا احيانا بتستحوذ علينا وما بتكونش على مراد ربنا وبتخلينا مسحورين بيها وتبقى عبد للنعمة دى بدل ما تكون عبد لرب النعمة دي L

لما تمشي فى الشارع بتشوف الاف المسحورين ,,التلفزيون بشجعك تكون مسحور بالسحر دة ,, اصحابك كتير فى الجامعة مسحورين بالسحر دة وبيستغربوك انك مقاوم هذا السحر..

اكيد عرفتو السحر دة ايه

سحر الحــــــــــــــــــــــــــــــــــــــــــب <3 <3

هم اتنين بحبو بعض فى الغالب نيتهم حلوة بس عامل الوقت او الفلوس ماخر الخطوات الشرعية فقررو انهم يستمتعو قبل ما تجي الخطوات الشرعية دى فدخلو فى سباق بين حبهم لربنا وحبهم لبعض !!

الشخص المسحور دايما بكون ناسى المقصد اللى ربنا خلق النعمة دي عشانو

ربنا خلق الحب ليه ؟ لانو شعور قوى، هو اللى بيمسك العلاقات الطويلة المدى فى وسط المحن والابتلاءات

الحب لما بيدخل على اى علاقة بيسمو بيها ابتداء من علاقتنا بربنا فى فرق كبيييييييير اوى بين اللى بيصلى عشان يزيح التكاليف من على كتافو وبين اللى بيصلى عشان بيحب يلاقى ربنا J

تعالا نبص على نفسنا من بعيد ياترى احنا بنحب  بس ربنا اكبر من الحب ولا اتفتنا بسحر الحب !!

الحب مش حرااام والمشكلة ابدا مش فى الشعور المشكلة فى الافعال اللى بتترتب ع الشعوور

المشكلة فى الحرام اللى بيحصل بسبب الشعور المشكلة فى طرد حب ربنا واستحواذ الحب دة على القلب

طيب ايه علامات مسحوور الحب

اول حاجة حب اللذة الوقتية يعنى ايه ؟

 احنا اتفقنا ان اللى بيحب بيخاف على حبيبو يعنى اكيد اى ولد حيخاف على حبيبتو تتعاكس او تتاذى لكن لما تيجي لحظة( نظرة حب مثلا) حبو بينسيه، بينسيه خوفو عليك من ربنا خوفو عليك من علاقتك مع ربنا ومن نظرتك لى نفسك ودة بطبيعتو! وانتى من حنيتك ومن حبك برضو حتنسي وحتعيشي متعة اللحظة دي !

الحب ليه طريقين طريق ربنا بحبو ودة كلو بركة وتيسير شوف ربنا بيسر ازاى على (ناكح يريد العفاف)

وطريق تانى طريق الشيطان والطريق دة صفتو اللذة الوقتية ودى لذة عابرة مش حتدوم

المسحورين دول اتحول حبهم لبعض لمجرد حب للذة الوقتية اللى بيعيشوها مع بعض !

سلام على حب يؤلف بيننا

يسري فى روحى ويجري فى دمي

وينسينى ربي ويصبح جنتي

واهلا وسهلا بعده بجهنم

علامة تانية هي التبرير اي سحر فى الدنيا اهم علامة فيه ادعاء ان انتا مش غلطان دايما بتدور على مبررات

بتقول احنا فى الاخر حنتجوز وانا اكتر حد بيخاف عليها هى دى مبرراتك صح !!

فوق من الانتا فيه وخد قرارك لانك كدة حتدفع كتير

اول حاجة انت كدة بتبيع حب ربنا!! ما بيتجمعش حب ربنا مع حب حرام ابدا"

( من اعطى لله ومنع لله و احب لله وابغض لله فقد استكمل عرى الايمان)

 والعكس مين بيحب لشهوتو ويعطى لشهوتو وياخد لشهوتو بيطرد حب ربنا من قلبو

تانى تمن حتدفعو هو فساد شعور الحب من الضنك اللى مكتوب على كل معصية باللذات فى الحب ان الانسان يفقد الثقة فى الحب ( ومن اعرض عن ذكري فان له معيشة ضنكا)

ومن تعجل شيئا قبل اوانه عوقب بحرمانه ,, تلاقى ناس من كتر الحب والفركشة فقدو الامل فى انهم يلاقو حب يستمر

التمن الاخير هو تمن كبيييييير اوى هو صعوبة رد الحقوق يوم القيامة

 حتعمل ايه لما اب او اخ يجيلك يوم القيامة وانت انتهكت عرضو لما تقرب من بنتو اللى هى عرضو قرب مش رسمى ويقولك حقى!! فين حقي فى عرضى !!( كل المسلم على المسلم حرام دمه وماله وعرضه)

فكر فى كل دة

لازم نفك السحر دة

انا عارف ان الموضوع صعب بس فيها ايه لو استنينا شوية لحد ما يكون تحت طاعة ربنا

املأ قلبك بحب ربنا افلاطون بيقووول ان العشق هو انجذاب صادف قلبا فارغا

 فلازم ما يكونش فارغ لازم نشحن قلبنا و نلاقى بديل ومافيش احسن من حب ربنا بديل

تانى حاجة اي بنت تعمل اختبار صدق للى بيحبها قوليلو لو انت بتحبنى بجد خاف على علاقتى بربنا وعلاقتى باهلى ورضاي عن نفسي رووح شد حيلك وانا حاستناك

فى قصة عنتر وعبلة ابو عبلة طلب من عنتر يجيب 100 جمل احمر عشان الناس يتكلمو عن المهر الكبير وينسو ان انتا عبد,, فراح عنتر وكان انسان شجاع بجد حارب بلد كاملة وقدام عينيه حبيبتو عبلة

دة مفروض يكون حال اى شب يشتغل ويتعب وقدام عينيه حبيبتو عشان نية شريفة وربنا حيساعدو بالنية دى

تعالوكلنا نتمنى،نتمنى نكون ( شاب يؤمن بكتابي ويرضى برزقى  ويحبس شهوته من اجلى هو عندى كبعض ملائكتى)

تعالو نتمنى الناكح الذى يريد العفاف فنكون من التلاتة اللى حق على ربنا يعينهم

 تعالويابنات نحلم بمقام السيدة مريم فى الطهر والعفاف

قول يارب علق قلبى بيك وصبرنى لغاية ما تكتبلى الحاجة اللى راضيها لى وانتا راضى عنى

قول يارب وخد قرار J